All in One - الكل فى واحد

ومن الشباب الجدد:

بيشوى , أيمن(قريب إسلام) , منى.

الحضور من الاخوة:

إسلام , هيثم , جورج , أمير , مينا مجدى , جون أنطون , منال ,يمنى , راندا , إسراء, حنان.

بدأنا بفقرة الأغانى وهبه حفظتنا جزء من أغنية إيد لوحدها متسقفش
(إيد لوحدها متسقفش
طير بجناح مكسور ميطرش
جمد قلبك قول متخفش تقدر ع العلم بما فيه.)
على أمل إن الشباب والأخوة يغنوها فى حفلة الكل فى واحد.

فقرة الفنى:

نورا كانت مجهزة شنط هدايا وقام الأطفال بتزينها, وكل إسبوع هنحاول نجهز أعمال فنية لعرضها فى حفل من الحفلات.

فقرة التعليمى:

مايكل كان محضرلنا مسرحية عن النظافة,قام بتمثيلها نورا
(دور الأم) و بدر (دور الأب) , إسلام (دور الابن المهمل ), ومنال (دور البنت النظيفة).
المسرحية بتحكى قصة أسرة صغيرة كان الابن مهمل جدا ومبيسرحش شعره وكل حاجة يرميها على الأرض وأهله غلبه فيه ,على العكس كانت البنت مرتبة وبتهتم بنظافتها ونظافة البيت,وفى يوم أكل الابن موز ورمى القشر على الأرض وتسبب فى وقوع الأب ومن يومها أخد قرار إنه ميعملش كدة تانى ويهتم بالنظافة.
أخذنا 5 دقائق وقت شخصى كل شاب مع الأخ المسئول منه عن موضوع النظافة.
ثم قام هيثم بسرد المسرحيى للأطفال والسلبيات والايجابيات..
ثم قام جان بتقسيمنا الى ثلاث مجموعات لتجربة نظام البرتج لتقييم الاخوة.(مش عارفين إذا كنا هنستمر أم لا)...

فقرة الألعاب:

لعبنا مع الاخوة بعض التمارين الرياضية, ثم لعبنا لعبة الكراسى الموسيقية وفاز بدر.

المسرحية:

قام بتمثيلها الشباب مستخدمين العرائس..
المسرحية بتحكى عن بطة صغيرة عايشة مع جدها, وفى يوم كانت نزلة تشترى حاجات من السوق وجدها قالها متكلميش حد حتى لو فى حد إحتاج مساعدة متساعديهوش..ونزلت البطة وهى فى الطريق وقعت فى حفرة كبيرة وقعدت تسرخ وتطلب المساعدة,وعدى عليها القرد قعد يضحك عليها ومرضاش يساعدها,وكمان عدت الزرافة وقالتلها هو أنا فاضيالك وحتى الرجل العجوز مرضاش يساعدها..وقعدوا يضحكوا عليها لحد موقعوا فى الحفرة,وساعتهاندموا عشان مساعدوش البطة وقرروا يساعدوا بعض وخرجوا من الحفرة..وقرروا إنهم يساعده الناس وغنوا مع بعض أغنية إيد لوحدها متسقفش.

ثم توجه الاخوة الى الأوتوكار...
وإجتمع الشباب مع المنسق لتوزيع تحضيرات الاسبوع القادم.. وقام جان وهبة ونورا بتنظيف الدولاب ...